Burma Young Islamic Center
ပြီးခဲ့သောနှစ် စက်တင်ဘာသံဃာ့အရေးအခင်းမှာ အစ္စလာမ်ဘာသာဝင် အများအပြား ဗုဒ္ဓဘာသာ ရဟန်းသံဃာတွေရဲ့ မေတ္တာပို့ကံဆောင်ရာမှာ ကူညီပါဝင်ခဲ့ပြီးနောက်ပိုင်း မြန်မာအာဏာပိုင်တွေဟာ ဗုဒ္ဓဘာသာမဟုတ်တဲ့ အခြားဘာသာဝင်တွေကို ချုပ်ကိုင်နိုင်ဖို့ သံဃာ့မဟာနာယကလို အဖွဲ့မျိုးဖွဲ့ဖို့ ပြင်ဆင်နေတယ်လို့ သိရပါတယ်။
ပြီးခဲ့တဲ့ ဒီဇင်ဘာလထဲက သာသနာရေးဝန်ကြီးဌာန ဒုဝန်ကြီး ဗိုလ်မှူးချူပ်သူရအောင်ကို က အာဏာပိုင်အဖွဲ့အစည်းတွေနဲ့ နီးစပ်တဲ့ ခရစ်ယာန်၊မွတ်စလင်မ် နှင့် ဟိန္ဒူဘာသာရေးအဖွဲ့အစည်းတွေက ကိုယ်စားလှယ်တွေနဲ့ ကမ္ဘာအေး သာသနာရေးဌာန ရုံးချုပ်မှာ တွေ့ဆုံပြီး သက်ဆိုင်ရာဘာသာဝင်တွေရဲ့ ဦးဆောင်အဖွဲ့အစည်းတရပ်စီ ဖွဲ့ဖို့ပြောကြားခဲ့တယ်လို့ ရန်ကုန် အစ္စလာမ်ဘာသာဝင် သတင်းရပ်ကွက် တွေဆီက RFA ကစုံစမ်းသိရှိရပါတယ်။
သာသနာရေး ဒုဝန်ကြီးက လက်ရှိရှိပြီး မွတ်စလင်မ် အဖွဲ့အစည်း ၅ ခုပေါင်းပြီး နိုင်ငံတော်အစိုးရ အသိအမှတ်ပြု အစ္စလာမ်အဖွဲ့ချူပ်ကြီးတခု ဖွဲ့စည်းပေးမှာဖြစ်ပြီး အနာဂတ်မှ လုပ်ငန်းဆောင်တာတွေကို ဒီအဖွဲ့ကြီးကနေ ဆက်သွယ်ဆောင်ရွက်မှာ ဖြစ်ပြီး အဖွဲ့ခွဲအသီးသီးက ကိုယ်စားလှယ်တွေကို ခေါ်ယူတွေ့တာတွေ မလုပ်တော့ဘူးလို့ ပြောကြားခဲ့တယ်လို့ဆိုပါတယ်။ အဖွဲ့ ၅ခုအနေနဲ့ အဖွဲ့ကိုယ်စားလှယ် ၃ ဦးစီနဲ့ အဖွဲ့ချူပ်ကို ဖွဲ့ပြီး စုစုပေါင်းအဖွဲ့ဝင် ၁၅ ဦးနဲ့ အစ္စလာမ်အဖွဲ့ချူပ်ကြီးမှာ ပါဝင်မယ်လို့ ပြောခဲ့ပါတယ်။
အဖွဲ့ချူပ် ဥက္ကဌနဲ့ အတွင်းရေးမှူးရာထူးတွေကို အစိုးရစိတ်ကြိုက်ခန့်မှာ ဖြစ်ပြီး ဒါဟာ သံဃာ့နာယက အဖွဲ့လို ရုပ်သေးမွတ်စလင်မ် အဖွဲ့ချူပ်ဘဲ ဖြစ်လာနိုင်တယ်လို့ ရန်ကုန်မွတ်စလင်မ် အသိုင်းအ၀ိုင်းမှ ပြောပါတယ်။
သံဃာ့အရေးအခင်မှာ တခဲနက်ပါခဲ့တဲ့ ငြိမ်းချမ်းရေးလိုလားတဲ့ အစ္စလာမ့်လူငယ်အဖွဲ့က ပြောခွင့်ရသူ ကိုမိုဟာမက်ယာဆင်ကတော့ ဒါဟာ စစ်အစိုးရအာဏာပိုင်တွေက အာဏာတည်မြဲရေး အသုံးချဖို့အတွက် ကြိုးပမ်းချက်ပဲလို့ RFA ကို အခုလိုပြောပါတယ်။
သံဃာနာယကအဖွဲ့လို ထိန်းချုပ်ဖို့အတွက် ဒီလိုအဖွဲ့အစည်းတွေနဲ့ပဲ တိုက်ရိုက်ဆက်သွယ်ပြီး ဆောင်ရွက်နိုင်အောင် လုပ်တာပါပဲလို့သူက ဆိုပါတယ်။ နိုင်ငံတော် သံဃာ့နာယကလို အဖွဲ့မျိုးဖွဲ့ခိုင်းတယ်ဆိုတာကိုက တခုခုဖြစ်လာရင် အစိုးရကို မတိုက်ခိုက်အောင် ထိန်းချူပ်ဖို့လုပ်တာဖြစ်ပြီး ဒီအဖွဲ့အစည်းတွေဟာ ဘာသာရေးလွတ်လပ်ခွင့်ရှိကြောင်း ပြောကြားပေးဖို့ ဆောင်ရွက်တာ ဖြစ်တယ်လို့ ကိုမိုဟာမက် ယာဆင်က ပြောပါတယ်။
ရန်ကုန်မှာ အခြေစိုက်တဲ့ အစ္စလာမ့်အဖွဲ့အစည်းတွေရဲ့ အဆိုအရ မွတ်စလင်တွေကို ကိုယ်စားပြုတဲ့ တကယ့်မွတ်စလင်မ် အဖွဲ့အတွေဟာ အစ္စလာမ် ဘာသာဝင်တွေရဲ့ အသံ နဲ့ စိုးရိမ်မှုတွေကို လွတ်လွတ်လပ်လပ်ပြောခွင့်မရတဲ့ အကြောင်းပြောဆိုတာတွေ ရှိနေပါတယ်။
RFA မှကူးယူဖေါ်ပြပါသည်။
Posted in: သတင်း
0 comments:
Post a Comment
Burma Youth's Islamic Center